تفعيل أداة على الموبايل تجعله أخف ثلاثة أضعاف سرعته العادية

 هو لا شك أن شعبية محمد صلاح (داخل مصر وبين المصريين ) تراجعت بشكل كبير جدا 

ناس كتير ماعدتش بتحبه ولا بتحب تتابع اخباره ولا يفرق معاهم بشئ 

باختصار شديد محمد صلاح لما طلع الناس فرحت واتعلقت بيه جدا

لاعب شاب من حياه قروية بسيطه وظنوا انه شبههم وشكلهم وأنهم علي موعد مع ابو تريكة جديد 

صحيح ان صلاح فنيا وفي الملعب تخطى ابو تريكة بمراحل 

لكن مع الوقت ابتدينا نشوف صلاح بينسلخ من حياة طبقة سكان مصر وبينتمي اكتر لحياة طبقة سكان Egypt 

وبدأنا نشوف صلاح بيعايرنا علي اننا مادرسناش ال mentality في ال schools واحنا صغيرين وبييلبس سلاسل وبيتصور مع موزز اجنبي في المالديف وبيصبغ شعره وبيستقبل واجب العزاء في الملكة إليزابيث الثانية ملكة إنجلترا 🤣

هييجي واحد محنك بينتمي لطبقة تملية البشوات في زمن الاقطاع ويقولي (يا باشا ده طبيعي جدا علي اي حد في المكان والمكانه دي انه يعمل كده )

فده بالنسبالي مايتردش عليه لأنه بعد ما جده اخد اراضي الباشا بعد ثورة يوليو انعزل عن الناس ونسي طباع المصريين 

نسي ان المصريين(وانا هنا بتكلم عن الشعب لا غير) دايما هما السر 

لو حبوك وحسوا انك شبههم هيرفعوك لمنزلة الأولياء 

اما لو كرهوك فهتخسر كتير جدا جدا حتي لو فشخ فيك الإعلام وكرمتك كل مؤسسات الدولة وعملت بأسمك مستشفيات ومدارس ومحاور طرق كل ده عند الشعب ده في الفاضي ليس إلا 

ومن هذا المنطلق احب أوجه التحيه لأبو تريكة واللي كان ومازال وهيفضل(عم الناس ) رغم كل حملات التشويه اللي اتعرضلها الفتره اللي فاتت بس لأننا بأختصار عمرنا ما حسينا انه مش شبهنا .... . 

مجرد رأي وكالعادة ولا كأنك قريت حاجه....  

اللامنتمي 

داود